أعلنت مصممة الأزياء والكاتبة أنجي علاء زوجة الممثل المصري يوسف الشريف عن سبب مغادرتها موقع تصوير فيلم زوجها " بني آدم " والذي تشارك في تصميم أزياء أبطاله.
وجاء ذلك من خلال كتابتها عبر صفحتها الخاصة على أحد مواقع التواصل الإجتماعي قائلةً:" واحد اتسبب في سرقة حاجة خاصة بيا بحبها امبارح في التصوير..الموقف ده بجد ضايقني اوي مع اني ياما اتعرضت لضغط في الشغل واستحملت كتير بس عمري ما حسيت اني مش قادرة أكمل اليوم زي امبارح".
وأضافت:" الشخص ده مفرقش معاه حاجتي وشافها تافهة ومش مشكلة أنها تتسرق ولا اللي كان السبب اعتذر أنه اتسبب في ضياعها وانه مصنش الأمانة لأنها مش حاجة قيمة بالنسبة له فعادي أنها تتسرق بس انا بالنسبة لي قيمتها مش في سعرها.. وصعب الاقي زيها تاني ومستحيل حاجة تانية تعيد الذكرى اللي مرتبطة بيها".
وتابعت:" على فكرة انت مش لازم تسرق عربية عشان تبقي حرامي.. ممكن تسرق قلم وتبقى نفس الحرامي ويبقى لصاحبه أهم حاجة عنده وتبقى ارتكبت ذنب من الكبائر مش خاضع لتفسيرك المادي السطحي، بصراحة كم الاستهتار والإهمال اللي الواحد بيشوفه حاجة بقت صعبة اوي وربنا يعينا ويهدي الجميع.. الحمد لله".
يشار إلى أن الفيلم من بطولة أحمد رزق ودينا الشربيني وهنا الزاهد ومحمود حجازي، من تأليف عمرو سمير عاطف، للمنتج تامر مرسي، وإخراج أحمد نادر جلال.
